Едноставно наречен Flat #3, станот се простира на 55 метри квадратни, а со просторот доминираат неутрални бои и природни материјали.
Сива, беж, црна и бела боја ја чинат основната палета на бои која се протега низ целиот стан. Познатиот дизајнер С. Камински во центар на фокусот ги сместил необичните ѕидни облоги – освен на подот, дрвото ги краси и ѕидовите, па во најголемиот дел од ентериерот преовладуваат дрвени панели наместо „голи“ ѕидови и тапети.
Трпезариската маса е изработена од истото дрво како ѕидните панели, а посебен стилски акцент на просторот даваат необичните столици налик на пчелин восок.
Материјалот на дрвените панели е исто така искористен за вратичките во кујната и кујнските елементи, па просторот добива една непрекината хармоничност. Посебен детал во кујната се плочките наредени асиметрично, акцентирани со бело неонско светло.
Спалната од остатокот од просторот е одвоена со лизгачки параван кој пропушта доволно светлина во текот на денот. Монотонијата на сивите тонови е прекината со прекривките во портокалова боја со земјен тон, која не отстапува од целиот природен мотив како инспирација за дизајнот,
Истите тонови и материјали се пролекуват дури и во бањата, со исклучок на дрвените ѕидни панели кои се заменети со истите плочки како во кујната. Од дрво е изработено само тоалетното ормарче под мијалникот. Целиот простор во бањата е проширен, а светлоста и чистотата на просторот акцентирани со помош на огледало поставено по целиот ѕид.
Ви се допадна овој дизајн? Сакате ли Вашиот нов дом од Golden Art да изгледа вака? Разгледајте ја нашата понуда на станови тука, патот до нов стан кај нас е брз и лесен!