Како тим кој постојано се залага за унапредување на македонскиот спорт, пресреќни сме за одличниот старт на овогодинешниот камп “Кирил Лазаров 7”. Кампот започна во петокот, на 17.06.2016 и по сè што се изнагледавме изминативе два дена, ни се чини дека веќе ги запознавме новите ракометни ѕвезди на Македонија! Од одлични асистенции до уметноста на поентирање, околу 250 момчиња и девојчиња ќе ја имаат единствената шанса да учат од најдобрите, на чело со нашиот Кире Лазаров.
Терените се подготвени и прекриени со специјална подлога за оваа намена, а за да сме сигурни дека нашите мали, но големи херои на теренот ќе изгледаат еднакво добро колку што се вешти, обезбедени се дресови и опрема од производителот “Hummel”.
За да ѕирнете мал дел од атмосферата, секој ден на нашата Фејсбук страница може да го погледнете видеото на денот кое нескромно го нарековме “Златен момент”, а ако се прашувате зошто – право на Фејс!
Драго ни е што сме меѓу генералните спонзори на овој настан, на учесниците им посакуваме да си поминат одлично и да научат многу и се надеваме дека кампот ќе прерасне во традиција која ќе ја негуваме со генерации!
