Локалното дизајнерско студио Anne Rolland Architechte направило одлична работа со амбициозната задача која им била дадена: претвориле коњска штала од 17-от век во мало студио во Париз, Франција.
Поранешната штала била поврзана со градска куќа од 1600-те години, и била напуштена повеќе од 70 години. За ова удобно студио од 28 метри квадратни, задачата тесниот простор да се прилагоди за живеење барала од архитектот да размислува креативно за да ги смести сите потребни елементи за удобен живот.
И покрај тоа што просторот е малечок, сите основни работи како кујна, потполно опремена бања, простор за спиење и работа се вклучени во дизајнот со користење на само една преграда. Исто така, има и специјално дизајнирани елементи за оптимална организација и складирање, како полици, фиоки и ормарчиња. Ѕидовите од камен кои ги има на многу места низ домот се онаа карактеристика која го прави студиото посебно и му дава доза на рустичност.
Низ процесот на реновирање, архитектите исто така откриле историски додаток на домот кој одлучиле да го вклучат во целиот дизајн и покрај неговата првична намена – собирање животински измет (Архитекти – што сè нема да направат… 😀 ). Просторијата од само 9 метри квадратни сè уште нема своја намена, меѓутоа од останатиот простор го делат дрвени скали и сокриена „магична“ врата.
За што би ја искористиле Вие оваа сокриена просторија? 😀